上奶無難度 妳適合埋身餵定用奶樽?
Please reload

​最新文章

上奶無難度 妳適合埋身餵定用奶樽?

March 25, 2019

埋身餵同用奶樽餵哺母乳兩者都各有優點及缺點,可以視乎媽媽嘅日常生活習慣而選擇。各位母乳媽媽可以根據以下重點考量,再選擇邊一種比較適合自己。

埋身餵最大嘅好處莫過於可以增加同BB之間嘅親密關係,BB透過依附喺媽媽身上可以獲得安全感之餘仲可以穩定情緒,大大幫助到成長時生理及心理需求㗎!埋身餵亦可以訓練BB口腔小肌肉,吸吮母乳需要使用下顎與舌頭,有助寶寶口腔咬合發育。而且BB吸吮母乳時會刺激乳腺,對媽媽嚟講亦有好處,可以預防塞奶及乳腺炎。基本上只要BB肚餓時,媽媽唔需要憂慮清潔奶樽及溫奶嘅問題,隨時隨地都可以餵哺。

 

不過,埋身餵哺嘅媽媽需要全天候貼身照顧BB,尤其初生BB每隔幾個鐘就會肚餓。其他家人或陪月未必能夠協助到媽媽埋身餵,休息時間可能會因此相對減少。

在職媽媽重返工作崗位後唔能夠24小時守候喺BB身邊時,就需要轉用奶樽餵哺。使用奶樽餵哺唔單止可以解決媽媽休息問題,仲可以令BB作息更有規律,媽媽可以讓其他人協助以奶樽餵BB,減少媽媽嘅壓力同時有更多時間休息。而用奶樽可以更準確知道BB嘅食量,畢竟BB對飽腹感未有確實嘅認知,準確嘅食量控制可以避免導致過度餵食嘅風險。於BB瞓覺前一餐亦可稍微增加份量,令BB瞓耐一啲好好調節作息規律。

 

奶樽餵哺比起埋身餵需要更多用品,例如吸奶器、溫奶器、消毒用具、集乳袋、奶瓶清潔劑、奶瓶刷、奶樽、奶嘴等,經濟效益及方便程度上比起埋身餵相對低。家中冰櫃亦要預留大量空間存放母乳,同時媽媽可能要忍受BB肚餓等待溫奶時呼天搶地嘅喊聲,與BB出街亦要帶備大包細包嘅用品。

 

不過選擇邊一種餵哺都唔重要,最重要都係媽媽同BB都有定時嘅作息同足夠嘅休息,咁先可以有精神同BB享受親子相處嘅時光!

 

了解客戶的分享 : https://www.tasteforlife.com.hk/feedback
立即訂購 : https://store.tasteforlife.com.hk/

Share on Facebook
Share on Twitter
Please reload

Follow Us